Me gusta el il pal puebru
ondi e naciu,
revivil las cosinas
que ya s´an iu,
sentil el airi,
mentris que cabilandu
corru las callis.
Me se vienin de golpi
cosas d´antañu,
de cuandu aqui jugaba
siendu muchachu.
Sientu que s. oyi
el alegri jolgoriu
de aquellas vocis
Trasteandu lugaris
ondi e creciu
voi guipandu rinconis
del puebru miu
i sientu drentu
el dulci hormiguillu
del sentimientu.
Los muchachus jugaban
dispues d´escuela,
recorriendu las callis
I las prazuelas,
I asin tol dia,
no faltaba enel puebru
la algarabía
Gatiandu las traseras,
los andurrialis,
las pares, los regatus
i los canchalis
i asta engarillas,
trujiendu angú alardi
pa la roillas.
I en llegandu el veranu,
conos caloris
i era huenti el
trebaju
de los suoris,
enas praeras
destendiendu las palvas
salian las eras.
Asin qu´en ve en cuandu
me voi pal puebru
a ricordal cosinas
d´aquellus tiempus:
cachus d´estoria
qu´enciendin los sentiris
de la memoria.
No hay comentarios:
Publicar un comentario